មន្ត្រីសាខាកាំកុងត្រូលបានដុតកម្ទេចផលិតផលម្ហូបខូចគុណភាពដែលដកហូតបាន១៨លើកមានទំងន់១.០៣៣គីឡូក្រាម
23-August-2018 | ដោយ ពលមនសិការ
បន្ទាយមានជ័យ៖ មន្ត្រីសាខាកាំកុងត្រូលបានដុតកម្ទេចផលិតផលម្ហូបខូចគុណភាពដែលដកហូតតាមទីផ្សារបាន១៨លើកមានទំងន់១.០៣៣គីឡូក្រាមកាលពីថ្ងៃទី២២ ខែសីហា ឆ្នាំ២០១៨ នៅសង្កាត់.ក្រុងប៉ោយប៉ែត។
លោក សាន វិជ្ជាសារ៉ាវុធ ប្រធានសាខាកាំកុងត្រូលខេត្តបន្ទាយមានជ័យបានប្រាប់ថាមន្ត្រីសាខាកាំកុងត្រូលខេត្តបន្ទាយមានជ័យបានសហការជាមួយមន្ត្រីមន្ទីរពាណិជ្ជកម្មខេត្តពិនិត្យទំនិញតាមទីផ្សារក្នុងខេត្តបន្ទាយមានជ័យបានរកឃើញទំនិញមានផលិតផលម្ហូបអាហារខូចគុណភាពដកហូតរយៈពេល៧ក្នុងឆ្នាំ២០១៨ បាន១៨លើកមានទំងន់១.០៣៣គីឡូក្រាម។
លោក លី សារី អភិបាលរងខេត្តបន្ទាយមានជ័យបានមានប្រសាសន៍កោតសសើរចំពោះមន្ត្រីសាខាកាំកុងត្រូលខេត្តបន្ទាយមានជ័យនិងមន្ត្រីមន្ទីរពាណិជ្ជកខេត្តបានយកចិត្តទុកដាក់ចំពោះសុខមាលភាពបងប្អូនប្រជាពលរដ្ឋបានចុះពិនិត្យតាមទីផ្សារនិងដកហូតទំនិញខូចគុណភាពបានជាង១តោនត្រូវបានដុតកំទិចចោល។
លោក ស៊ុ ណារុង អគ្គនាយករងនៃអគ្គនាយកដ្ឋានកាំកុងត្រូលបានមានប្រសាសន៍ផ្តាំផ្ញើដលមន្ត្រីសាខាកាំកុងត្រូលត្រូវចេះសហការគ្នាជាមន្ត្រីមន្ទីរពាណិជ្ជកម្មខេត្ត ធ្វើយ៉ាងណាត្រូវធ្វើការត្រួតចុះពិនិត្យតាមទីផ្សារក្នុងខេត្តជាប្រចាំដើម្បីពិនិត្យរកទំនិញដែលខូចគុណដែលអាជីវករលក់ដូរក្នុងផ្សារធ្វើអោយប្រជាពលរដ្ឋទិញបរិភោគធ្វើអោយប៉ះពាល់សុខភាព។
លោកបានដាក់វិធានការដល់មន្ត្រីជំនាញត្រូវរឹតបណ្តឹងទំនិញចេញចូលតាមច្រកទ្វារអន្តរជាតិប៉ោយប៉ែត ដើម្បីទប់ស្កាត់អោយបានរាល់ទំនិញដែលលួចនាំចូលជាទំនិញខូចគុណភាពនិងទំនិញហាមឃាត់ដែលប៉ះពាល់ដល់សុខភាពប្រជាពលរដ្ឋ។ សំណូមដល់កម្លាំងដែលឈជើងតាមបន្ទាត់ព្រំដែលត្រូវចូលរួមទប់ស្កាត់អោយរាល់ទំនិញដែលខូចគុណភាពដែលឈ្មួញលួចនាំចូលតាមច្រករបៀងខុសច្បាប់បើសិនជាមានត្រូវចូលរួមសហការជាមួយមន្ត្រីជំនាញត្រូវទបើស្កាត់អោយបានរាល់ទំនិញហាមឃាត់និងខូចគុណភាព៕
ចំនួនអ្នកទស្សនា
- ថ្ងៃនេះ3711
- ម្សិលមិញ16391
- សប្តាហ៍នេះ49941
- ខែនេះ165091
- ឆ្នាំនេះ165091
- សរុប20607547